Boht muddat se aisa hai,
K tm khamosh rehte ho,
Koi gehra hai ghm shaid,
Jisse chup chap sehte ho,
Yunhi chalte hue tanha,
Koi ghamgheen sa naghma,
Tm aksr gungunate ho,
Doran-e-guftagoo yunhi,
Milen nazron se jb nazren,
Tu baaten bhool jate ho,
Kisi gum sum si haalat main,
Ya phr barish k mausam main,
Faqt itna hi kehte ho,
Udasi be-waja si hai,
Boht bojhal tbiyat hai,
Bhla sach kuin nahi kehte,
Tmhen mujh se mohabt hai!!
No comments:
Post a Comment