Aik chand tanha khara rha
mere asman sy zra Prey
Mere sath sath safar mey tha
meri manzilon se zra prey
Teri justajo k hisaar sy
tere khwab tere khy sy
Main wo shakhs tha jo khara rha
teri chahton se zra prey
Kabhi dil ki baat kehi na thi
Jo kehi to wo bhi dabi dabi
Mere lafz poory to they mager
teri sma'aton sy Zra Prey
Tu chala gaya mere Humsafar
zara dekh mur k to ik nazar
Meri kashtiyan hen jali huwi
tere sahilon se zara prey
No comments:
Post a Comment