Raat katti rahi chand dhalta raha,
Atish-e-hijr may koi jalta raha,
Ghar ki tanhaiyan dil ko dasti rahin,
Koi baichain karwat badalta raha,
Aas-o-umeed k shama roshan rahi,
Ghar ki dehleez ko koi takta raha,
Raat bhar chandni gungunati rahi,
Raat bhar koi tanha sisakta raha,
Ashk palkon pe aa k bikherte rahe,
Naam lab par kisi ka larazta raha,
Aaj phir raat basar ho hi gai,
Aaj phir sari raat koi KHUD se ulajhta raha
No comments:
Post a Comment